Codeperate客戶服務
分享
草原鬥爭 | 遊戲介紹 | 蛇與狐狸之間的對決
發佈日期
作者
Lookout Games 同 KOSMOS 每年都會合作推出一款二人遊戲，早前兩間公司就發佈咗最新一款，由Trevor Benjamin及Brett J. Gilbertmo兩位遊戲設計師共同設計，名為《草原鬥爭》(Great Plains) 嘅對弈類型遊戲。
縱觀一眾玩家試玩後嘅評價，大部分人都認同呢隻Game喺區域控制遊戲類別中，遊戲設定相對精簡，而官方簡介就話10歲或以上人士都適合玩，每場遊戲時間大概20分鐘。
《草原鬥爭》遊戲背景設定喺數千萬年前，人類會喺洞穴牆壁上繪畫圖像、記錄人同動物之間嘅故事嘅時代。玩家透過靈性動物嘅幫助，由動物越過山丘、低地，入侵對方領土，以爭奪平原統治權作為最終目標。
包裝設計貫徹生產商Lookout Games一向風格，以方形盒包裝，面頭配上桌遊名稱嘅清晰大字。不過今次隻Game出自《曼荼羅》(Mandala) 同一位美術設計師 Klemens Franz手筆，除咗一向有用嘅設計元素外，包裝亦用上藍綠兩色作為主色，更畫上遊戲中兩大動物主角: 蛇及狐狸，突顯兩者喺遊戲中嘅重要性。
而盒內配件都較為簡單，除咗遊戲說明書外，就只係有四款配件，分別有印有「土地」、「洞穴」同「動物」嘅板塊，以及「藍蛇」同「橘狐」嘅部落指示物。
喺桌遊論壇區BoardGameGeek上，唔少外國Board Game玩家都提到遊戲非常容易上手，而且可移動嘅板塊增加遊戲變數，提升刺激感。不過亦有資深玩家覺得，類型相近嘅《綿羊爭牧場》(Battle Sheep) 遊戲設置更加清晰。想知更多桌遊嘅消息，記得留意「開game啦」。
