CodeperateMind Sports Olympiad 2021 | 波多黎各 | 銅牌得主鄭冬日Sunny
上回提到鄭冬日Sunny喺Mind Sports Olympiad 2021攞到【Castle of burgundy 勃地根城堡】嘅金牌，其實佢仲拎埋【Puerto Rico 波多黎各】嘅銅牌。今日就邀請佢黎分享一下策略心得。
- Mind Sports Olympiad 2021 勃根地城堡 Castle of burgundy 金牌
- Mind Sports Olympiad 2021 波多黎各 Puerto Rico 銅牌
- 棋齡：3年重策桌遊
- 愛好：勃根地城堡 波多黎各 農家樂 瑪雅曆法 俄國鐵路 歷史巨輪
- Facebook：鄭冬日
- Instagram：tungtung369 sunny.game.theory
- Board Game Arena：Sunny369
基本策略
【Puerto Rico 波多黎各】既路線分為兩種，分別係Shipper同Builder。Shipper路線就係靠賣出貨物跑分，利用海港／私人碼頭建築跑大量分數，海港需要配合小倉庫建築以防止貨物需要掉棄；而Builder路線就係靠建築物分數黎跑分，透過工廠和交易賺得金幣，以及興建礦場減低建築物費用，從而購買4級的大建築。兩條路線都可行，沒有一個固定打法，亦可以混合兩種路線，主要需要觀看自己的農地去決定流向。粟米田十分強，無需對應的廠就可以生產出粟米，而且透過船長賣出粟米與賣出咖啡都是一樣分數。因此如果有大量的粟米田，行Shipper路線會較佳。
因為比賽會有唔同程度嘅選手，我為左了解唔同分段玩家的諗法，會喺BGA開小號練習。結論發現愈低排名嘅對手，會愈拖長隻Game；愈高分既對手，會用佢地既經濟快速對換分數，然後迅速Call end。所以低分場會適合Shipper路線，海港／私人碼頭可以利用到好多次。而高分場，唔會有時間起3級建築，連工廠都未回到本就已經完。常見的手段是透過大量礦場，買下工會以及大型工廠，製做大量工人短缺從而快速Call End。
基本建築中有三大垃圾，大家千奇唔好買：
- 大倉庫 - 大部分情況下，運貨後不會還剩下2種貨物，它的實際效果跟小倉庫相對不遠，但價錢卻是小倉庫的2倍。
- 辦公室 - 一般情況下，會是對家生產同樣的高價值農作物（煙草及咖啡），而避免跟上家相撞。因此辦公室是一間修正錯誤嘅建築。
- 大學 - 工人後期的嘅價值太細，唯一作用係最後一回合買4級的大建築可以有人即刻踩上去。不過佢個成本始終太貴，與其係咁，不如儲多幾蚊早少少買4級大建築，然後再擺工人上去就可以解決到個問題。
開局定式
開局嘅主流定式係拓荒者 -> 建築師 -> 市長 -> 淘金客。起始玩家必踩拓荒者，然後攞一個礦場。因為第一個礦場嘅價值好大，任何建築物都可以利用到個礦場。第二家主流嘅共識係踩建築師搶小市場，小市場係一張非常熱門嘅牌，可以令到一啲平價資源，例如粟米，都可以交易到一個唔錯既金額。咁第三家會踩市長，將2個工人放係小市場同粟米田上面，準備生產粟米去交易。第四家無得選擇，只可以踩淘金者。
不過我覺得依個並唔係最優解嘅定式！！！第二家有先天劣勢，有以下3點可以解釋：
- 第二家在第一大回合搶不到礦場，要到第二大回合才能搶到。第一大回合一定有人踩市長，所以首家的礦場必然可以有工人安置，但第二大回合才拿到的礦場不知道要到何時才能有工人在上，很可能在觸發市長前已經觸發多次的建築師。
- 第二家在第二大回合做完他選擇的行動後，要過7個小回合才能到他再次選擇。所以承接上一點的礦場劣勢，很有可能要到第三回合尾才能拿到工人放到礦場上。
- 第二家擁有最弱的起始生產田，沒有第三/四家的粟米田，而且他的染料田與上家相撞。
因此，第二家的開局已經較其他人慢，如果第一回合再搶建築師去拿小市場，無疑是更加慢。因為要觸發小市場的效果，首先要生產資源，第二家的染料田需要染料廠才能生產。要先建染料廠，再放工人染料廠及染料田，然後生產，再放工人到小市場，最後交易才能賺回小市場所花費的1塊。如果第二回合先拿礦場再買染料廠，則會再更加慢。
所以，第二家最好嘅選擇係買收容所，然後係其後嘅市長行動放置工人到收容所上。然後第二回合踩拓荒者攞礦場，咁礦場上面就會自動有一個工人，可以在其後的建築師行動不需金錢購買小染料廠。
不過，如果第二家選擇踩建築師買收容所，依個打法有個致命嘅弱點 - 第四家可以買建築小屋作反制。第三家固然會買小市場去做小市場+粟米的COMBO，第四家因為同上家撞粟米田，所以就算佢攞小市場都未必可以賣到粟米。第四家最好嘅打法係買建築小屋，因為第二家買咗收容所，固然之第二家為了觸發收容所效果會踩得比較多拓荒者。
所以，第二家最優解係踩淘金者，先攞1個金幣。第三家當然會踩建築師買小市場，第四家係未睇到第二家買收容所嘅情況下都會買小市場，第一家因為礦場未有工人當然唔買住，然後第二家就可以買到收容所，而且在下回合一開始踩拓荒者，無人有建築小屋可以觸發到。
總結我認為最優解嘅定式係拓荒者 -> 淘金客 -> 建築師 -> 市長，咁樣做第二家嘅先天劣勢可以叫做拉番番黎少少。
展望未來
如果下次轉去倫敦參加既話，我未必會再參加。因為話曬都已經達成左人生最高成就，已經攞左個金牌番黎，再參加一次個意義無咁大。如果咁岩當時係倫敦就會參加，唔係嘅話都唔會專登為左個比賽飛去倫敦。
