關於我們

分享玩家心得 推薦心水board game

「桌遊? board game? 係咪姐係大富翁同UNO呀?」少年你太年輕了，board game又點止呢兩副，就算只係卡牌類桌遊，都有唔同玩法嘅可以揀。香港桌遊新手唔了解桌遊一啲都唔出奇，因為大部分香港board game網站都以售賣桌遊為主，較少有集合桌上遊戲推薦文章同分享香港board game界消息嘅網站，想接觸到board game推介消息就要親身去桌遊店了解或者瀏覽國外論壇。除咗香港桌上遊戲新手好難喺網上搵到相關資訊，香港boardgame迷都好難集中分享遊玩心得。

引導新手接觸桌遊

「開game啦」由一班熱愛board game嘅年輕人創立，自細開始玩board game，梗係想同大家分享當中嘅樂趣啦。不論係新出定經典桌上遊戲，我哋都會喺全球各地搜羅返嚟試玩，將自身經驗同香港board game迷分享。夠究好唔好玩? 值唔值得買? 睇我哋嘅桌遊推薦就一目了然。

除咗試玩分享外，「開game啦」亦會寫桌上遊戲推薦文章，為每位香港桌遊玩家準備桌遊心得。例如喺「新棋有趣」系列入面，會有board game故事背景同盒內配件簡介，玩家可以知道自己扮演嘅角色同任務，玩起上嚟更得心應手。至於「棋實唔難」文章，我哋就會精選board game 推介俾玩家，將我哋嘅玩嘅過程同board game迷分享，令大家更易掌握致勝方法。

對香港board game界嘅認識你又知幾多呢?「開game啦」走訪唔同地方，將最新嘅香港board game消息同各位香港桌遊迷分享。所謂高手在民間，每年世界各地都會舉辦唔同桌遊比賽，香港亦有唔少玩家參與。喺「開game啦」就可以睇到香港桌上遊戲隱世高手嘅訪問，由一班獲得世界桌遊比賽殊榮嘅朋友，親身推薦桌遊俾你。

加入桌遊購買服務 連繫本地桌遊店

要成為全面嘅香港board game平台，當然唔少得桌遊購買服務啦。撳入「開game啦」網站除咗睇到桌遊推薦文章外，更加可以即時買game。喺頁面右方會顯示相關桌遊購買列表，只要睇啱心水，就可以即時加到購物車進行落單，方便一眾平日要返工無時間親身去桌遊店嘅香港桌遊玩家。

「開game啦」亦希望借網上平台連繫本港桌遊店，除咗桌遊購買服務外，未來我哋將會同本地桌遊店合作舉辦活動同比賽，為board game迷提供定期見面、交換桌遊心得嘅機會，更加唔少得嘅就係可以藉親身交流，認識志同道合嘅朋友，提升香港桌上遊戲水平。

FAQs

1. 「開game啦」同其他網上桌遊推薦網站有咩唔同?

喺網上搜尋關鍵字「board game 推介」，接近全部彈出嘅中文桌遊推薦文章都係來自內地同台灣桌遊玩家，由香港桌遊玩家提供嘅桌上遊戲推薦文章係微乎其微。「開game啦」由一班本地年輕人建立，由我哋親身試玩後，撰寫出最貼近香港人喜好嘅桌遊推薦文章，分享俾香港桌遊玩家就最適合不過啦!

2. 我係香港桌上遊戲玩家，想分享香港桌遊資訊俾新手可以點做?

「開game啦」過去一直有收集桌遊推薦文章，如果你都有興趣寫桌上遊戲推薦相關內容，就可以撳入以下連結了解詳情。我哋收集嘅文章不限於桌遊介紹、桌遊評價、玩法攻略、開箱文、board game冷知識等等。你嘅桌上遊戲推薦文章一經採用，更可獲得$100至$2000不等嘅稿酬。 詳情可參考:徵文活動 | 長期徵收桌遊文章，投稿文章一經採用，最高可獲$2000現金！

3. 桌上遊戲推薦文章會有咩實際內容?

我哋會將board game 推介文章分為唔同系列，包括: 「新棋有趣」介紹最新出版嘅桌遊 ; 「棋實唔難」以自身經驗分享遊玩心得，進行board game 推介 ; 「棋聞趣事」分享香港boardgame界最新消息。除此之外，未來亦會有桌遊店簡介，為大家推薦香港特色桌遊店。

4. 睇board game 推介後見到心水桌遊想買可以點做?

雖然「開game啦」無實體桌遊店，不過我哋係有網店嘅。當你喺board game 推介睇啱心水board game想買，就可以撳旁邊嘅「加入購物車」按鈕，再喺置頂嘅購物車入面進行結帳，填返正確資料同付款就可以即時買到。不論係買桌遊、卡套定配件，只要全單滿$500就免運費。

5. 「開game啦」對香港桌上遊戲發展有咩期望?

除咗希望可以為香港桌上遊戲愛好者打造一個集合board game 推介內容嘅網上平台，同時都希望可以吸引更多未太了解桌遊嘅朋友加入香港board game大家庭。而對外方面，香港桌上遊戲參賽者同設計師喺國際上有一定成績，「開game啦」希望可以藉此推廣香港本土設計嘅board game，帶動整個行業發展。