客戶服務
分享

四人桌遊推薦 | 4 人 Board Game

12/22/2021
發佈日期
鶴見弐拾四
作者
Image

最近疫情又嚴重咗,政府亦都呼籲大家盡量減少聚會。個個放假都唔出街,幾個人留喺屋企做咩好?玩4 人 board game都係一個唔錯選擇。「開Game啦」今次精選咗5副四人桌遊推薦俾大家,等大家喺在家抗疫期間,都可以揀到副啱你哋嘅四人桌遊 。

提提你:今次介紹嘅四人桌遊唔係只可以4個人玩㗎,大家可以參考遊戲建議遊玩人數。

1. 卡坦島

Image

要數四人桌遊入面,最經典嘅島嶼建設遊戲非《卡坦島》莫屬,屬於策略遊戲嘅《卡坦島》,玩家要喺桌遊入面扮演卡坦島嘅新移民,拓荒開墾自己嘅領土。玩家會輪流擲骰,決定邊個板塊可以生產資源,令遊戲增加變數。雖然話係4 人 board game,不過其實3至4人玩都可以。

2. 卡卡頌

Image

小編玩四人桌遊經驗唔多,不過跟住落嚟要介紹嘅就係我人生第一副接觸嘅4 人 board game ,佢就係《卡卡頌》。聽到係第一副接觸嘅四人桌遊都知佢係有返啲歷史啦,2000年出嘅《卡卡頌》玩法較近年出嘅4 人 board game玩法簡單,玩家輪流放置地圖版塊,利用完成道路、城堡、修道院同佔領農田放自己嘅「小米」人仔爭取分數。

3. 璀璨寶石

Image

四人桌遊推薦又點少得得獎board game,《璀璨寶石》喺 2014 年榮獲Golden Geek Board Game of the Year。《璀璨寶石》可以喺四人桌遊入面脫穎而係因為雖然玩法簡單,其實背後係好考玩家嘅邏輯思考同手牌分配,需要做好策略管理,先可以贏出。玩家要收集寶石,再用對應嘅寶石換成發展卡,再以發展卡上嘅獎勵換取貴族的板塊,喺轉換之中獲得分數。

4. 多米諾王國

Image

《多米諾王國》就咁聽個名係咪唔知呢副4 人 board game玩咩呢?「多米諾」其實就係Domino(骨牌)。相對2人同3人模式,以四人桌遊模式玩《多米諾王國》就可以使用全部 48 個骨牌。喺第一場遊戲開始前,玩家要先組裝 4 個小城堡,遊戲目標係玩家要將骨牌連接,建造 5x5 大細嘅王國,從以獲得最多分數。

5.  骰子街

Image

四人桌遊推薦又點少得《骰子街》,以日本背景作為遊戲主題,玩家會輪流擲骰、獲取收入同進行建設,目標係鬥快起好所有地標建築。《骰子街》嘅卡牌設計非常精美,行日本風路線,夠晒文青。雖然話係4 人 board game,但只要加擴充係可以5個人一齊玩,唔局限喺四人桌遊之中。

唔知四人桌遊推薦入面邊副board game最吸引到你呢?有興趣就快啲襯買滿$500免運費優惠,將四人桌遊帶返屋企啦。