客戶服務
分享

桌遊店舖預約 | Board Game Shop Booking

12/22/2021
發佈日期
鶴見弐拾四
作者

「開game啦」成立半年,除咗設立桌遊平台外,同桌遊店合作提供board game 舖預約服務亦都係一直以嚟嘅目標。喺第五波疫情期間,我哋無放慢手腳,經過一翻努力下,桌遊店預約服務將會推出啦!

將會同我哋合作推出board game 舖預約服務嘅桌遊店總共有5間,地點分別位於觀塘、旺角、油麻地。桌遊迷只要透過「開game啦」網站,就可以睇到佢哋嘅簡介同評論,安排桌遊店預約。5間桌遊店包括:「808 Games」、「遊桌 GameTable」、「開棋 Games On」、「晴空號 Weatherlight」同「傳棋 BG Legend」。網站上亦有提供另外14間桌遊店地址、電話號碼同營業時間嘅基本資訊,為一眾桌遊迷提供board game shop booking資訊。

喺第五波疫情下,大家好耐無出過街,就算玩board game都只可以留喺屋企玩,襯社交距離措施放寬咗,就等小編介紹下點樣喺「開game啦」網站做board game shop booking,揀返間board game 舖預約,同朋友聚埋一齊開game啦。

桌遊店預約教學:

第一步:去「開game啦」網站首頁,喺左邊項目欄按「桌遊鋪」就可以進入board game shop booking 頁面。

第二步:喺上方寫有「輸入要搜索的桌遊舖」嘅長方格,直接輸入board game 舖名稱;或者

利用進階搜索,透過揀選地區同營業狀態,篩選出board game 舖。

第三步:揀好桌遊店後,撳「預約桌遊店」嘅藍色長方格,進行桌遊店預約。

第四步:揀啱你想預約嘅日期同時間,之後填埋聯絡資料。

第五步:最後就要撳「付款」嘅藍色格,喺完成board game shop booking前,如果未註冊成

為會員就要先註冊,成功註冊或登入後就會跳入下個頁面,只要以Google Pay或銀行卡進行支付就完成board game 舖預約流程。

另外有幾項桌遊店預約須知都想提醒大家:

  1. 訂位後須立即於系統內付款,並於付款成功後收到SMS或Email通知,訂位方為成立。
  2. 須於來店兩天前,方可於桌遊店預約系統內訂位。
  3. 若需取消訂位,請於一天前用系統取消或聯絡客服。
  4. 訂位將保留至訂位時間結束為止。

如果你都經營緊桌遊店,又想加入我哋嘅board game shop booking系統,歡迎透過客服聯絡我哋洽談合作。