派對桌遊 | Party Board Game 推介

又到咗放長假嘅日子，一班人放假無嘢做最啱就係玩party board game啦。「開game啦」準備咗5副派對桌遊同大家分享，今個長假期就唔怕因為留喺屋企而悶親啦。

1.  教父風雲

聽個名都大概估到係陣營遊戲，咁你又知唔知《教父風雲》有幾特別？雖然佢係陣營遊戲，但同一般隱藏身分嘅派對桌遊最大分別就係遊戲身分係可以自己選擇。遊戲背景設置喺屬於教父嘅鑽石被盜取一事上，當中發現到有人背叛組織，玩家需要按自己選擇嘅角色，完成任務。

2. 間諜危機

玩派對桌遊最緊要就係有氣氛，怕有冷場嘅話最好就揀啲要講嘢嘅party board game 啦! 《間諜危機》玩家會收到一張顯示同一地點但唔同角色嘅卡牌，惟獨其中一人會抽到間謀牌，間謀牌唔會顯示「地點」。過程中玩家會互相提問，抽中間諜牌嘅玩家就要有技術咁回答問題，唔俾人察覺自己就係間諜。

3. 無間風雲

玩派對桌遊都可以感受到做無間道嘅感受? 無錯! 揀得做party board game 推介當然就係因為《無間風雲》節奏輕鬆而且規則簡單。玩party board game其中一個目的就係想將氣氛推到最高，想像一下，你身邊嘅朋友突然劉德華上身咁，拎起枝槍話你係臥底，都幾難忍笑。

4. 德國蟑螂

Party board game 推介又點少得《德國蟑螂》，呢副經典派對桌遊仲喺2004年獲得德國遊戲獎推薦。喺派對桌遊入面少不免就係朋友之間互相呃下對方，《德國蟑螂》會隨機由任何一位玩家開始，佢需要將手中其大一隻牌反向底傳俾某一個玩家，同時講出牌中嘅生物，可以係真話亦都可以係大話，相信與否就取決於下家。

5. 矮人礦坑

最後一副party board game 推介就係《矮人礦坑》，玩家化身成小矮人喺礦坑入面工作，但佢哋當中混入咗幾個想獨吞礦藏嘅衰人，兩邊陣營為咗自己利益都盡力迎戰。同上面介紹過嘅幾副派對桌遊有啲唔同，玩家打出嘅牌會用嚟砌出路徑開闢通道。一旦壞人一方嘅玩家被發現，就會淪為箭靶。

睇完我哋嘅party board game 推介，諗好揀邊副同身邊嘅朋友開返場game未呢? 副副派對桌遊都咁吸引揀唔到? 快啲將「開game啦」分享俾朋友，一齊揀你哋都有趣嘅party board game 啦!